15 ақпанда Талғар ауданындағы саяжайлардың бірінде үй өртенді. Өртке оранған ғимараттан әйел мен екі кішкентай бала қашып үлгерсе, отағасын шуға қарай жүгірген көршілер аман алып қалды.Алматы облысы ПД баспасөз қызметі
Үйді өртеп жіберді деген күдікпен 44 жастағы отағасы ұсталды. Ол қылмысын мойындады. Ер адам әйелімен жанжалдан соң осындай әрекетке барғанын түсіндірді.
Сурет: Алматы облысы Полиция департаменті
ҚР Қылмыстық кодексінің 202-бабы «Бөтеннің мүлкін қасақана жою немесе бүлдіру» бойынша сотқа дейінгі тергеу басталды. Мұндай істер бойынша міндетті сараптамалар бүгінге белгіленді. Күдіктіге қатысты түпкілікті шешім тергеу аяқталған соң шығарылады.Алматы облысы ПД баспасөз қызметі