Жедел іс-шаралар кезінде Алматы қаласы Шаңырақ ықшам ауданында екі адам ұсталды. Олардан бес мың пистолет және автомат патрондары бар цинк жәшіктер, қорғаныс кеудешесі, қалқан, тізе қорғағыштар түріндегі арнайы құралдар, екі танкіге қарсы снаряд, тегіс ұңғылы қару, жеті пневматикалық винтовка, оның ішінде біреуі оптикалық көздегішімен және пневматикалық пистолет алынды.ҚР ІІМ Тергеу департаментінің бастығы Санжар Әділов
Сондай-ақ ол Алматы қаласындағы бүлік кезінде күдіктілер тобы жеңіл автокөлікпен «Оружейник» аңшы дүкеніне келіп, дүкеннің кіреберіс есігін сындырып, 15 тегіс ұңғылы қару мен 4 ойық ұңғылы карабинді, оның ішінде оптикалық көздегішті жымқырғанын атап өтті.
Күдіктілер ұрланған қаруды одан әрі сату мақсатында Алматы қаласы мен Алматы облысы аумағында арнайы жабдықталған орындарда заңсыз сақтаған.
Сонымен қатар тергеу барысында көрсетілген адамдардың Алматы қаласының әуежайын шабуылдауға және қиратуға қатысқаны анықталды.ҚР ІІМ Тергеу департаментінің бастығы Санжар Әділов
Еске салсақ, қаңтардағы бүліктен кейін әуежай бір апта бойы жұмыс істемеді. Осы уақыт ішінде қызметкерлер қираған жерлерді қалпына келтірді.