Шымкент қалалық білім бөлімінің хабарлауынша, «қашқын» бүлдіршінді табуға 30 минут кетті. Тіпті полицияға хабарлауға тура келді.
Бүлдіршіннің жоғалып кетуіне байланысты 5 қызметкер жазаланды. Осы оқиғадан кейін балабақша әдіскері А.Құралбаева, «Жұлдыз» тобының мұғалімі А.Низтаева, кезекші тәрбиеші М.Аширова және балабақша тәрбиешісі К.Юнусов «қатаң сөгіс» түріндегі тәртіптік жазаға тартылды.
Сонымен қатар «Тараз» мемлекеттік балабақшасының меңгерушісі Қ.Байхарашева да жауапқа тартылды. Еңбек кодексінің 64-бабының 2-тармағына сай әйелге сөгіс жарияланды.
