Әлеуметтік желіде ер адамның біреуді құшақтап тұрып оның телефонын ұрлаған видеосы тарап жатыр.
Ер адам кешке қарай қараңғыда танысымен далада тұрған. Содан кейін өтіп бара жатқан адамды байқап қалып, оны кездестіргеніне қуанып тұрғанын айтып, құшақтай жөнеледі. Сол сәтте бейтаныс адамның қалтасындағы телефонды ұрлаған. Телефонның маркасы – Huawei P20 lite.
Аталған факті бойынша ҚР Қылмыстық кодексінің «Ұрлық» бабы бойынша сотқа дейінгі тергеу амалдары жүргізіліп жатыр.
34 жастағы ер адам қазір қамауда. Полицейлер оның Нұр-Сұлтандағы осыған ұқсас басқа да қылмыстарға қатысы бар-жоғын тексермек.
