Qazaqstan телеарнасы жаңалықтар бөлімінің хабарлауынша, судың деңгейі көліктерге арналған бетон өткелді жауып тастау қаупі туғандықтан, мұнда елордадан қосымша техника шақыртылған. Әзірге көліктер айналма жол арқылы өтуде.
Төтенше жағдайлар департаментінің мәліметіне қарағанда, наурыздың 6-7 күндері қар күрт еріген. Соның салдарынан Баянауыл ауданының Құндыкөл, Жаңажол және Бірлік ауылдарын жанамалай қызыл су жүрген. Үйлер мен қора-қопсы судан аман. Жергілікті атқарушы орган арнайы штаб құрып, тасқын судан қорғану шараларын қабылдап жатыр.
Қазір қар суы бұзып кеткен 103-ші шақырымда жауапты мердігер жұмыс істеп жатыр.