Облыстық полиция департаментінің мәліметінше, Сайрам аудандық полиция бөліміне киім-кешек өндірумен айналысатын жеке кәсіпкер арыз жазған.
Ер адам Батыс Еуропа–Батыс Қытай тас жолының бойында орналасқан киім қоймасынан тауардың бір бөлігі жоғалып кеткенін түсіндірді. Жәбірленушіге келтірілген шығынның жалпы сомасы шамамен – 10 миллион теңге.Түркістан облысы Полиция департаментінің баспасөз қызметі
Полиция бұл фактіні Сотқа дейінгі тергеулердің бірыңғай тізіліміне ҚР Қылмыстық кодексiнің 188-бабы бойынша (Ұрлық) тіркеді.
Жедел уәкілдер қоймаға барғанда жол бойынан ер адамды ұстады. Ол тауарды ұрлап, оны көлікке тиеп, қашып кетпекші болған. Ол Қазығұрт ауданының тұрғыны, жәбірленушінің жүк көлігін айдаған қызметкері болып шықты.Түркістан облысы Полиция департаментінің баспасөз қызметі
Күдікті Сайрам ауданында жұмыс істеп жүріп, бұрын үш рет басқа адамның мүлкін ұрлаған.
Бірінші жағдайда ол жарықтың жоқтығынан бейнебақылау камераларының өшіп қалғанын пайдаланып, екі қап киім-кешек ұрлап кеткен. Кейін ер адам ұрланған мүлкін Шымкентте сатып жіберген. Кейінгі екі жағдайда ол бейнебақылау камерасын өшіріп, «оңай ақша» үшін ойлағанын істеді. Күдікті ұрланған киімдерді 3 миллион теңгеге сатып, ақшаны өз қажетіне жұмсаған.Түркістан облысы Полиция департаментінің баспасөз қызметі
Қазір күдіктіге қатысты «бөтеннің мүлкін ұрлау» бабы бойынша сотқа дейінгі тергеу амалы жүргізіліп жатыр. Тергеу барысында ер адамның осыған ұқсас басқа да қылмыстарға қатысы бар екені анықталды.
