Алматыда жаппай жол апаты: жедел жәрдем көлігі аударылып қалды

Алматыдағы Мұқанов пен Төле би көшелерінің қиылысында жаппай жол апаты болды. Соғысқан төрт көліктің арасында жедел жәрдем көлігі де бар, деп хабарлайды Zakon.kz.

Жедел жәрдем жүргізушісінің айтуынша, Honda Accord көлігі бағдаршамның қызыл түсіне өтіп кетіп, жедел жәрдем көлігіне соғылып, аударылған. Содан кейін оларға Daewoo Nexia мен Honda Odyssey соқтығысқан.

Сурет: Zakon.kz

Апат салдарынан ешкім зардап шеккен жоқ. Алайда апат жолда қатты кептеліс жасады. Оқиға орнында полиция қызметкерлері жұмыс істеп жатыр.