Алматы әуежайының электрондық поштасына Минск – Алматы бағытында ұшып келе жатқан ұшақ бортында жарылғыш зат қойылғаны туралы хабарлама түсті.
Бортта 171 жолаушы мен 6 экипаж мүшесі болған.
Ұшақ 3:59-да аман-есен қонды.
Алматы әуежайының баспасөз қызметі ұшаққа жарылғыш зат қойылғаны туралы ақпарат түскеннен кейін төтенше жағдай жоспарына сәйкес кешенді тексеру жүргізілгенін мәлімдеді.
Әуе кемесіне мина қойылғаны туралы ақпарат расталмады.