Қарағанды облысы Төтенше жағдайлар департаменті құтқарушыларының мәліметінше, оқиға Қарағанды қаласында, Құрылысшылар даңғылында орналасқан үйде болған.
Түс кезінде ересектердің қарауынсыз қалған бала 9 қабатты тұрғын үйдің екінші қабатының терезесінен құлап кеткен. 2017 жылы туған бала ауруханаға жатқызылды. Қарағанды облысы Төтенше жағдайлар департаментінің баспасөз қызметі
Құтқарушылар балалардың көбі ата-анасы қараусыз қалдырған кезде терезеден құлайтынын атап өтті. Москит торларына сенбеңіз, ұйықтап жатқан балаларды үйде жалғыз қалдырмаңыз.
