2022 жылдың 24 сәуірінде Түркістан облысында қатты жауын-шашын салдарынан Қазығұрт ауданының 4 елді мекенінде және Сарыағаш ауданының 1 елді мекенінде 53 үйдің ауласына, 18 үйдің, 1 тойхананың, 16 шаруашылық құрылыс нысаныың ішіне су кірген. Су басқан аумақтардан 50 адам эвакуацияланып, барлығы туыстарының үйлеріне жіберілген. Үй жануарлары шығыны бар, саны анықталып жатыр.Түркістан облысы ТЖД баспасөз қызметі
Ведомствоның хабарлауынша, жергілікті атқарушы және төтенше жағдай бөлімінің қызметкерлері тарапынан аумақтан су сорып шығару жұмыстары жүріп жатыр.
Жұмысқа ТЖ Төтенше жағдайлар департаментінің 56 қызметкері, 9 бірлік техника, 11 мотопомпа және жергілікті атқарушы органдардың 19 қызметкері, 6 бірлік техника, 2 мотопомпа тартылып, суды сору және арықтарды тазалау жұмыстары жүріп жатыр.
Көшелерді, үйлердің аулаларын су басу фактісіне байланысты аудан әкімдігінің жедел желісі іске қосылып, тұрғындар тарапынан хабарламалар түскен жағдайда шұғыл іс-шаралар атқарылып жатыр. Түркістан облысы әкімнің баспасөз қызметі
Сурет: Түркістан облысы ТЖД баспаөз қызметі
