23 сәуірде Павлодар облысындағы «Өрлітөбе» өткізу бекетінде Қазақстан шекарасын кесіп өту кезінде шекарашылар Ресей мен Канада азаматын анықтады. Қазақстан төлқұжаты бар әйел азаматтығын ауыстырғаны туралы белгіленген мерзімде хабарламаған.
Ол өз кінәсін толық мойындап, 2017 жылғы қарашада Канада азаматтығын алғанын түсіндірді. 2022 жылдың наурыз айында ол Ресей азаматтығын алған, бірақ заңды білмегендіктен, Қазақстан төлқұжатын өткізбеген. Оның Қазақстанда туыстары жоқ, сондықтан елден шығаруды өтінген.
Железин аудандық соты әйелді ӘҚБтК-нің 496-бабының 2-бөлігі бойынша кінәлі деп тапты. Ол Қазақстаннан шығарылды. Шешім заңды күшіне енді.
Заңға сәйкес, Қазақстан азаматтығы басқа мемлекеттің азаматтығын алған кезде күшін жояды. Азаматтығы өзгерген жағдайда бұл туралы ішкі істер органдарына немесе Қазақстанның елшіліктеріне/консулдықтарына 30 күн ішінде хабарлау қажет. Бұл жағдайда қазақстандық төлқұжат пен жеке куәлікті тапсыру қажет.
