«Мой город» порталының жазуынша, бюст орнында қалқайып тұрған қадауды көрген тұрғындар шошып кеткен. Бюсттен тек QR коды және «Тарихи-мәдени мұра нысаны мемлекет қорғауында» деген жазуы бар стенд қана қалған.
Бюстті жұлып алыпты. Оны қайда және не мақсатпен апарып тастағаны белгісіз. Мұнда адамдар демалатын, Доспанованың бюсті бар алаң қаланың көрнекті орны болатын, – дейді жақын маңдағы үйлердің тұрғындары.
Редакциясы мән-жайды анықтау үшін Атырау қаласы әкімдігіне сауал жолдаған. Бірақ жауап әлі келген жоқ.
Көп ұзамай ұшқыштың бюсті табылды. Ол Х. Доспанова атындағы мектеп аумағына қойылыпты.
Кейін белгілі болғандай, мәдени нысан 14 мамырда мектептің құрылғанына 70 жыл және ұшқыштың 100 жылдығына арналған іс-шарада салтанатты түрде таныстырылған.
