Ол полицейлерге жарылғыш затты балық аулау кезінде өзен бойындағы ағаш арасынан ораулы күйінде тауып алғанын айтқан. Полиция қызметкерлерінің айтуынша, осы уақытқа дейін оны қайда өткізерін білмеген тұрғын акцияны естіген бойда полиция бөліміне жеткізген.
Акция жарияланған 19 тәулікте облыс көлемінде 112 азаматтан 167 дана отты атыс қару алынды. Оның ішінде 23 ойық ұңғылы, 137 дана тегіс ұңғылы қару, 7 шолақ қару және 4 дана граната бар. Түркістан облысы полиция департаментінің баспасөз қызметі
Түркістан облысының полицейлері азаматтарға атыс қаруы мен оқ-дәрілерді заңсыз сақтау мен тасымалдау үшін жауапкершілік қарастырылғанын ескертті.
Сондай-ақ тәртіп сақшылары заңсыз сақталған қаруды немесе оқ-дәрілерді өз еркімен тапсырған адамдар қылмыстық және әкімшілік жауапкершіліктен босатылатындығын еске салды.
