Шамалған-Тұрар тас жолында жаяу жүргіншіні көлік қағып кетті.
Toyota Hilux жүргізушісі оңтүстік бағытта келе жатқан. Оның айтуынша, Үштерек ауылынан кейін қараңғыдан ер адам жолға атып шыққан. Жүргізуші қанша әрекет жасағысы келгенімен, онысынан түк шықпаған.
Сурет: Zakon.kz
Toyota жүргізушісі оқиға орнына бірден жедел жәрдем мен полицияны шақырған. Дәрігерлер зардап шегушіні шұғыл түрде ауруханаға жатқызды. Үш сағаттан кейін 1963 жылғы ер адам жансақтау бөлімінде қайтыс болғаны белгілі болды.
Сурет: Zakon.kz
Жол апаты орнында Алматы облысының анықтаушылары мен криминалистері жұмыс істеді, сараптамалар тағайындалды.