Семей қаласы Әуезов аудандық пробация қызметі ұсынған ұсыныс бойынша сот 30 сағат мерзімге қоғамдық жұмыстарға тартуды жеті тәулікке қамауға ауыстыру туралы шешім шығарды. Қаулы заңды күшіне енді және орындалды.
Айта кетсек, Семей тұрғыны өткізу мақсатынсыз есірткі заттарымен заңсыз айналысқаны үшін сот үкімімен 30 сағат мерзімге қоғамдық жұмыстарға тартылған. Мәселен, "Жылукоммунэнерго" МКК-дан осы жаза бойынша жұмыс орнына келмеген қала тұрғынына қатысты шаралар қабылдау туралы бастамашылық хат келіп түсті.
"Сотталған азамат П-ға есепке қою кезінде қоғамдық жұмыстар түріндегі жазаны өтеудің барлық шарттары түсіндірілді, алайда, түзелу жолына түскісі келмей, сотталған адам жалтара бастады, яғни сот үкімі бойынша тағайындалған 30 сағаттан ол бір сағатын да өтемеді, сондықтан соттың ұсынысын қанағаттандыру және қоғамдық жұмыстарға тартуды қамауға ауыстыру үшін барлық заңды негіздер болды", - деді Әуезов аудандық пробация қызметі бөлім бастығының орынбасары әділет капитаны Инара Жүсіпова
