Оқыс оқиға Шымкент қаласындағы Абай көшесі бойындағы Надежда дәмханасы маңында орын алған. Темір торға аяғы абайсызда кіріп кетіп, шығара алмай жатқан 1993 жылғы азаматшаға жедел-құтқару жасағының құтқарушылары шұғыл түрде көмекке келді.
Оқиға орнына барған құтқарушылар арнайы құралдардың көмегімен темір торды керіп, зардап шегушінің аяғын босатты.
Құрметті қала тұрғындары мен қонақтары! Көшеде жүргенде абай болыңыздар, деп хабарлайды Шымкент қалалық ТЖД баспасөз қызметі.