Бүгін Алматы қалалық соты сотталушының апелляциялық шағымын қарады, ол қанағаттандырусыз қалдырылды, үкім заңды күшіне енді.
Махажанов 10 жылға бас бостандығынан айырылды. Ол аса ірі көлемде пара алғаны үшін кінәлі деп танылды.
Еске сала кетейік, сотталушы Дәурен Махажанов лауазымды тұлға бола тұра, өзінің қызметтік бабын пайдалана отырып, ЖШС директорын оған меценаттық қызметке мемлекеттік-жекеменшік кәсіпорын шартынан 50 млн теңге көлемінде ақшалай қаражат беруге мәжбүрлеген. Одан кейін заңсыз сыйақы алу ісіне танысы Б. және Т.-ны тартқан. Олар ақша алу кезінде ұсталған.
Бұған дейін Түркістан облысының әкімі Өмірзақ Шөкеев Кентау қаласының экс-әкімінің кінәсі дәлелденсе, қызметінен кетуге дайын екенін айтқан еді.
«Мемлекеттік қызмет туралы» ҚР Заңына сәйкес мемлекеттік қызметшінің жұмыстан шығуы туралы өтініші соттың айыптау үкімі заңды күшіне енгеннен кейін күнтізбелік 10 күн ішінде беріледі.