13 қыркүйекте Ақтөбе қаласындағы №74 мектепте туберкулиндік диагноз қойылған 1-сыныптағы балаларға манту сынамасынсыз БЦЖ вакцинасымен қайта егу фактісі анықталды.
ҚР Денсаулық сақтау министрлігінің баспасөз қызметінің хабарлауынша, осы фактіден кейін жеке емхананың дәрігері мен медбикесі жұмыстан шеттетілген.
Балалардың жағдайы қанағаттанарлық. Олар педиатрлардың бақылауында.
Осы оқиға бойынша комиссия құрылып, оның құрамына Денсаулық сақтау, санитарлық-эпидемиологиялық бақылау және медициналық фармацевтикалық бақылау министрлігінің тиісті комитеттерінің басшылары мен арнайы мамандар кірді.
Комиссия тексеру жүргізіп, қорытынды шыққан соң болған жайды бағалайды
