Түркістан облысы полиция департаментінің мәліметінше, қызметтік ит Өзбекстан Республикасынан Қазақстан Республикасына жаяу өтіп бара жатқан жолаушыны көріп, үрген. Полицейлер күмән тудырған азаматты тоқтатып, тексергенде, оның шалбарының қалтасынан есірткіге ұқсас зат табылды.
Алынған зат сараптамаға жолданып, оның "гашиш" есірткісі екені расталды. Ұсталған орта жастағы азаматтың Өзбекстан елінің тұрғыны болып шықты. Түркістан облысы ПД баспасөз қызметі
Күдікті ер адам қамауға алынды.
Ведомство өкілдері оған қатысты ҚР ҚК-нің 286-бабы "Айналыстан алып қойылған заттардың немесе айналысы шектелген заттардың контрабандасы" бойынша сотқа дейінгі тергеп-тексеру амалдары жүріп жатқанын мәлімдеді.