Агенттік таратқан ақпаратқа сүйенсек, Қарасай аудандық сотының үкімімен бұрынғы ректор – "Қазақ ұлттық қыздар педагогикалық университетінің" КЕАҚ басқарма төрағасы Гаухар Алдамбергенова, ректордың кеңесшісі Қожантаев (Алдамбергенованың туған ағасы) және "Азаматтарға арналған үкімет мемлекеттік корпорациясы" КЕАҚ филиалының Қарасай Жер кадастры және жылжымайтын мүлік бөлімінің басшысы Журунов кінәлі деп танылып, 7 жылға бас бостандығынан айырылды.
Осы үкіммен, Сыбайлас жемқорлыққа қарсы іс-қимыл агенттігініңі мәліметінше, бөлімібасшысының орынбасары Д. Жұмаділ мен бөлім маманы Е. Кемал шартты түрде 7 жылға бас бостандығынан айырылды.
Барлық сотталғандарға мемлекеттік қызметте қызмет атқару құқығынан өмір бойына айыру түріндегі жаза қолданылды.Сыбайлас жемқорлыққа қарсы іс-қимыл агенттігінің баспасөз қызметі
Тергеу барысында сотталғандар жалған тұлғаларға тіркеп, университеттің 9 га жер телімін сегментке бөліп, адал сатып алушыларға сатқаны дәлелденді.
"Соның салдарынан университетке 95,5 миллион теңге көлемінде шығын келтірілген. Сот үкімі заңды күшіне енген жоқ". Сыбайлас жемқорлыққа қарсы іс-қимыл агенттігінің баспасөз қызметі