Жөтел сиропынан кейін бала жансақтау бөліміне жеткізілді, деп хабарлайды Өзбекстан Ұлттық ақпарат агенттігі Ферғана қаласының денсаулық сақтау басқармасына сілтеме жасап.
Филиалдың қабылдау-диагностикалық бөліміне Кувасай қаласының 2019 ж. тұрғыны А.Н түскен. Қабылдау-диагностика бөлімінде анамнез жазылды, бала жансақтау бөліміне жатқызылды. Бұл 2022 жылдың 28 желтоқсанында болды, бірақ егжей-тегжейі қазір ғана белгілі болды.
Үй жағдайында суық тиюді емдеуде науқастың «Док-1 Макс» сиропын нормадан жоғары пайдаланғаны анықталды. Баланың анасы дәрігердің ұсынысынсыз дәріханадан сироп сатып алып, балаға 4 күн бойы 5 мл 10 рет берген.
2022 жылдың 27 желтоқсанында Самарқандта 19 баланың өлімі расталды. Олардың барлығы аталған препаратты қабылдағаннан кейін қайтыс болды. Одан кейін 31 желтоқсанда тағы 10 бала үнділік препараттарды қабылдап, ауруханаға түскен.
Оқиғадан кейін елдің Денсаулық сақтау министрлігі уыттылыққа қатысты тексерулер мен зерттеулерді бастады. Док-1 Maкс партиясында этиленгликоль табылды, ол дұрыс қабылданбаған жағдайда денсаулыққа елеулі проблемалар туғызуы мүмкін. Анықталғандай, ата-аналар суық тиюге қарсы дәрі-дәрмекті өз бетінше немесе фармацевттердің ұсынысы бойынша сатып алып, балаларға нормадан айтарлықтай асып түсетін мөлшерде берген.
