Индонезияның табиғи апаттармен күрес жөніндегі ұлттық агенттігінің мәлімдеуінше, 7,5 балдық жер сілкінісі Танимбар аралдарының оңтүстігінен солтүстік-батысқа қарай 128 шақырым жерде орналасқан Банда теңізінде болды.
Тимор-Лестенің шығысындағы Танимбар аралдарында 15-ке жуық ғимарат бүлінді, кем дегенде бір адам зардап шекті.
Табиғи апаттарды жою жөніндегі ұлттық агенттік жер сілкінісін Танимбар аралдарының тұрғындары 5 секунд бойы сезінгенін, адамдар үйінен көшеге шығып кеткенін хабарлады.
20 минуттан кейін күші 5,5 баллға дейінгі дүмпулер тіркелді. Цунами қаупі болған жоқ.
Бұған қоса Аустралияның солтүстігінде 2800-ден астам адам жер асты дүмпулерін сезген.