Баспасөз қызметі таратқан мәлімет бойынша, Ұлттық қауіпсіздік комитеті ІІМ қылмыстық-атқару жүйесінің мекемесінде терроризмді насихаттау фактісі бойынша "У" есімді азаматтың үстінен қозғалған қылмыстық істі тергеуді аяқтады.
"2023 жылғы 5 қаңтарда Орал қаласының № 2 соты оны ҚР ҚК 256-бабының 1-тармағы бойынша ("Терроризмдi насихаттау немесе терроризм актiсiн жасауға жария түрде шақыру") кінәлі деп танып, 4,5 жылға бас бостандығынан айырды".ҚР ҰҚК баспасөз қызметі
"У" 2020 жылдан бері түзету мекемесінде жазасын өтеу кезінде қамаудағылар арасында радикалды идеологияны таратып келген.
Сотталушының кінәсі қылмыстық іс материалдарымен толық дәлелденіп, сот шешімі заңды күшіне енді.
