30 қаңтарда Қапшағай тас жолының 54-шақырымында Ford Mondeo мен Mercedes-Benz C-Class көліктері соқтығысты. Соққыдан Форд жолдан шығып, арыққа түсіп, жалынға оранды. Жүргізуші көлікте өртеніп өлген. Басқа жолаушылардың бар-жоғын полицейлер анықтайды.
Соққыдан Мерседес жүргізушісі тізгінге ие бола алмай, көліктің дөңгелегі жұлынып кеткен, көлік бірнеше рет тоқтаған жерге соғылған. Ол жақын маңдағы ауруханаға жатқызылды.
Алдын ала болжам бойынша, Ford Mondeo трассада сырғанап кеткен.
Оқиға орнында полиция қызметкерлері жүр.
Желтоқсан айының соңында Алматы-Өскемен тас жолында жеңіл көлігі бар эвакуатор өртеніп кетті.
