Теңіз кенішінде цистерна жарылып, бір жұмысшы қаза тапты

Теңіз кенішінде қайғылы жағдай болды. Жүк көлігіндегі цистерна жарылып, 37 жастағы жұмысшы қаза тауып, 30 жастағы екінші жұмысшы жарақат алды, деп хабарлайды Zakon.kz.

Қайғылы жағдай 8 ақпан күні болды, деп жазды "АқЖайық" басылымы.

Атырау облыстық полиция департаментінің мәліметінше, ҚР Қылмыстық кодексінің 156-бабының 3-бөлігі ("Адам өліміне әкеп соққан еңбекті қорғау қағидаларын бұзу") бойынша сотқа дейінгі тергеу басталды.