Айбек Смадияровтың айтуынша, Сәбина Мамадияроваға қажетті медициналық көмек беріліп жатыр.
"Жер сілкінісінен аман қалған Сәбина Мамадиярованың жағдайына келсек, ол қазір Адана қаласының мемлекеттік ауруханасында. Кеше оған қолына операция жасалды, денсаулық жағдайы тұрақты. Дипломаттар емдеуші дәрігерлермен тұрақты байланыста, қажет медициналық көмек көрсетіліп жатыр. Бүгін консул оған жеке барып қайтады".Айбек Смадияров
Еске салайық, 8 ақпанда Түркияның Хатай қаласындағы үйінділер астынан Қазақстан азаматы Сәбина Мамадиярова аман-есен табылды. Оның қолы сынған. Ол сол кезде-ақ аурухана жеткізілген еді.
