ҚР Бас прокуратурасы таратқан мәліметке сүйенсек, ол 2018-2020 жылдар аралығында бөтеннің мүлкін жымқыру мақсатында қаржы пирамидасының жетекшілерінің бірі бола тұра, халықтың ақшалай салымын жалған жобаларға тартудың қылмыстық схемасын ұйымдастырып, қызығушылық төлем жасау елесін қалыптастырған деген күдікке ілінген.
"Ұйымдасқан топ мүшелерінің қылмыстық әрекеттерінің салдарынан зардап шеккен 1345 жәбірленушіге 6,3 млрд теңгеден астам шығын келтірілген".ҚР Бас прокуратурасының баспасөз қызметі
Қылмыстарды жасағаннан кейін «К» қылмыстық қудалау органдарынан жасырынған, сондықтан ол халықаралық іздеуге жарияланған.
"Бүгін Бас прокуратура мен Ішкі істер министрлігінің қызметкерлері Сыртқы істер министрлігінің көмегімен күдікті «К» қылмыстық жауапкершілікке тарту үшін Қазақстанға экстрадицияланды. Қазіргі уақытта ол Астанадағы уақытша ұстау изоляторына қамалды"ҚР Бас прокуратурасының баспасөз қызметі
Қадағалаушы орган күдікті 5 жылдан 12 жылға дейін бас бостандығынан айырылуы мүмкін екенін мәлімдеді.