27 наурызда Жаңаөзенде ұңғымаларды күрделі жөндеуден өткізу бойынша қызмет көрсететін мұнай сервистік компанияның территориясында химиялық реагенттері бар 11 резервуар отқа оранды. Өрттің жалпы ауданы 120 шаршы метрді құрады.
Маңғыстау облысы ТЖД баспасөз қызметі хабарлағандай, төтенше жағдай жарылғыш газ тәрізді жану қаупі бар өнімдердің пайда болуына әкеліп соғуы мүмкін.
Өртті жоюға өрт сөндіру қызметінің 17 қызметкері мен 4 техникасы, сондай-ақ "Семсер - Өрт сөндіруші" және "Өрт сөндіру қызметі-М" мемлекеттік емес өртке қарсы қызметтерінің 2 техникасы мен 8 қызметкері жұмылдырылды.
Өртті сөндіру кезінде химиялық реагенттердің конструкциялары бір мезгілде салқындатылды.
Өрт ауыздықталып, оның себебі анықталу үстінде.
Құрбандар мен зардап шеккендер жоқ.
