Мемлекеттік кірістер комитетінің мәліметінше, республика аумағынан автомобиль көлігімен бензинді, дизель отынын және мұнай өнімдерінің жекелеген түрлерін әкетуге тыйым салынған сәттен бастап сыртқы шекарадағы (үшінші елдерге) мемлекеттік кірістер органдары Мұнай өнімдерін заңсыз әкету бойынша 94 іс қозғалып, олар бойынша сот 1,5 миллион теңгеден астам айыппұл салып, 2 341 литр бензин мен 25 335 литр дизель отыны тәркіленді.
ЕАЭО елдерімен шекарада жалпы көлемі 63 мың 820 литрден асатын жанар-жағармай экспортының 194 фактісі анықталды.
"Жоғарыда аталған тыйым күшіне енген сәттен бастап ҚР Қаржы министрлігінің Мемлекеттік кірістер комитеті «АСТАНА-1» электрон декларациялау ақпараттық жүйесінде мұнай өнімдерін кедендік декларациялауды болдырмау бойынша 6 айлық экспортқа тыйым салу кезеңіне тұрақты негізде шаралар қабылдады", - деп мәлімдеді Мемлекеттік кірістер комитеті.
Қазақстанда 2023 жылдың 31 наурызынан 2023 жылдың 31 желтоқсанына дейін мұнай өнімдерінің жекелеген түрлерін экспорттауға тыйым салынды.
Экспортқа тыйым салынған немесе шектелген мұнай өнімдерінің тізіміне мыналар кіреді: жеңіл дистилляттар, авиакеросин және дизельдік отын, газойльдер, толуол, ксилолдар, мұнай битумдары.
Оқи отырыңыз
