Жанболат Мамайды құқық бұзушылық жасады деп айыптаған қылмыстық іс (қызметтік міндеттерін атқару кезінде билік өкілдерін қорлау, көрінеу жалған ақпарат тарату және жаппай тәртіпсіздіктер ұйымдастыру (Қылмыстық кодкстің 378-бабы 2-бөлігі, 274-бабының 2-бөлігі3, 272-бабының 1-бөлігі) Алматы қаласы Бостандық ауданының №2 аудандық сотында қаралды.
"Жанболат Мамай кінәлі деп танылды. Сот жазаны тағайындау кезінде сотталған адамның мінез-құлқы және үш жас баласының болуын ескерді. Айыпты ауырлататын жағдайлар есептелмеді". Алматы сотының баспасөз қызметі
Сондай-ақ, бұл ретте билік өкілдерін қорлағаны үшін ескіру мерзімі аяқталуына байланысты іс тоқтатылғаны атап өтілді.
"Көрінеу жалған ақпарат таратқаны және Қылмыстық Кодекстің 63 – бабының негізінде жаппай тәртіпсіздіктерді ұйымдастырғаны үшін әлеуметтік желілерде қоғамдық-саяси қызметпен және публицистикалық қызметпен айналысу құқығынан 6 жылға айыра отырып 6 жылға шартты түрде бас бостандығынан айыру жазасы тағайындалды". Алматы сотының баспасөз қызметі
Сот үкімі заңды күшіне енген жоқ.
