"Биыл республика бойынша температураның күрт көтерілуіне және қардың белсенді еруіне байланысты 350 тұрғын үй су астында қалды, негізінен Қостанай, Ақтөбе және Батыс Қазақстан облыстарының тұрғындары зардап шекті. Тұрғын үйлерді су басуға әсер ететін негізгі факторлар-арық-нөсер жүйесінің болмауы, объектілерді салу немесе су қорғау аймағында үйлер салу кезінде нормалардың сақталмауы, гидротехникалық құрылыстардың дайындығы, сондай-ақ қарды уақтылы шығармау".Төтенше жағдайлар министрі
Осыған қарамастан, жедел және алдын алу шараларын уақытылы ұйымдастырудың арқасында еліміздің 7 өңірінде, оның ішінде елордада 155 елді мекенді су басуға жол берілмеді.
"Мысалы, Астанада коммуналдық қызметтер арық жүйесін уақытылы тазартуды жүргізді. 4 миллион текше метр қар шығарылды. Есіл өзенінің бассейнін зерттеу ұйымдастырылды. Ал Ақбұлақ және Сарыбұлақ шағын өзендері кезең-кезеңімен қайта жаңартылып жатыр". Юрий Ильин
