2 мамыр күні Бурабай аудандық сотының үкімімен казиноның заңгері елеулі мөлшерде пара бергені үшін сотталып, оған жиырма есе мөлшерде, 184,5 млн теңге айыппұл салынды.
"Ол прокуратура қызметкеріне казиноның қаржылық қызметін тексеру нәтижелерін оң шешкені үшін 20 мың АҚШ доллары көлемінде пара бергені үшін кінәлі деп танылды".ҚР Сыбайлас жемқорлыққа қарсы іс-қимыл агенттігінің баспасөз қызметі
Ведомствоның баспасөз қызметі сотталған мемлекеттік қызметте, жергілікті өзін-өзі басқару органдарында, қаржы ұйымдарында және квазимемлекеттік секторда қызмет атқару құқығынан айырылғанын атап өтті.
Үкім заңды күшіне енген жоқ.
Сондай-ақ Шымкент қаласы жер қатынастары басқармасының басшысы қызметтік міндеттерін орындау кезінде жалпы қамқорлығы үшін бөлім бастықтарынан 200 мыңнан 800 мың теңгеге дейінгі мөлшерде пара алды, оның орынбасары мен бөлім бастығы кәсіпкерден 5 миллион теңге көлемінде пара алды деген күдікке ілінді.
