Оқиға орнына Жетісу облысы ТЖД құтқарушылары мен Қаратал аудандық ТЖ бөлімінің қызметкерлері келіп жетті.
"Шақырту бойынша оқиға орнына келіп жеткен құтқарушылар Ақжар ауылынан 3 шақырым жерде ішінде 3 адам болған УАЗ автокөлігінің жартастан ұшып, Қаратал өзеніне түскенін анықтады, ондағы екі адам өз бетімен жағаға шыққан, өкінішке қарай үшінші азамат жоқ", - деп хабарлады өңірлік ТЖД.
Сағат 10.33-те сүңгуір құтқарушылар өзенде суға батқан көлікті тапты, қазіргі уақытта үшінші адамды іздеу жұмыстары жүргізіліп жатыр.
Іздеу жұмыстарына Жетісу облысы ТЖД-дан; Орман шаруашылығынан; Ақжар ауылынан тартылған 32 адам және 7 техника жұмылдырылды.
