Абай облысының әкімдігі баспасөз қызметінің хабарлауынша, өңір басшысы жедел штабта көшпелі кеңес өткізіп, ТЖД басшысы Манарбек Шапағатов пен облыс әкімінің орынбасары Димитрий Гариковтың есептерін тыңдады.
"Мамандар жергілікті жерлерде кезекшілік етеді. Өртті сөндіру жұмыстары барлық ошақтарда жүзеге асырылуда. Басты міндет - елдімекендерге жалынды таратпай тезірек сөндіру. Ол үшін жедел штаб тәулік бойы жұмыс істейді. Орман қорына келтірілген залалды өрт толықтай сөндірілген соң есептейміз". Абай облысы әкімі Нұрлан Ұранхаев
Айта кетейік, қазіргі уақытта өртті сөндіру 3 учаскеде жүргізіліп жатыр. Өрттің таралуы толығымен тыйылды. Желдің күшеюіне байланысты тұзды көл ауданындағы 3-учаскеде өрт төменнен жоғарыға ауысты. Өртті сөндіру үшін 100 техника жұмылдырылды. Өрт таралмас үшін шетінен жер жыртылған.