30 мамырда кешке төрт жасар бала Павлодардың Целинная көшесіндегі 10-қабаттағы пәтер терезесінен ұшып жерге түсті. Бала шұғыл түрде жақын маңдағы ауруханаға - Сұлтанов атындағы облыстық клиникалық ауруханаға жеткізілді. Жағдайы тұрақтанғаннан кейін бала облыстық балалар ауруханасына ауыстырылды, деп хабарлайды Pavlodarnews.
Облыстық денсаулық сақтау басқармасы баспасөз қызметінің мәліметінше, дәрігерлер 10-қабаттан құлаған 2019 жылы туған баланың өмірі үшін әлі күресуде.
Айта кетсек, 30 мамырда 10-қабаттан құлап, ауыр жарақаттар алған төрт жасар бала ауруханаға жеткізілді. Дәрігерлер балаға бас миының жарақаты, мидың ісінуі, көп қан жоғалту, ауыр дәрежедегі геморрагиялық шок, гиповолемия және басқа да ауыр жарақаттарына байланысты өте ауыр жағдайда деген диагноз қойды.