"Семей орманы" мемлекеттік орман табиғи резерватының территорясында өрттің туындауына байланысты (Батпаев орманшылығы 66, 67, 55, 42 кварталдары) Семей қаласының аумағында жергілікті ауқымдағы табиғи сипаттағы төтенше жағдай режимі жариялансын", делінген құжатта.
Сонымен қатар, Абай облысының Бородулиха ауданында ТЖ режимі әлі өз күшінде қалып отыр.
Абай облысында орман өртінің ауданы 30 мың гектарға дейін ұлғайды. Қазіргі уақытта Абай облысында өртті сөндіруге ТЖМ-ның, Орман шаруашылығы комитетінің, жергілікті атқарушы органның және Қорғаныс министрлігінің 600-ден астам адамы мен 168 техникасы жұмылдырылған.
Одан бөлек, өртті сөндіруге алты тікұшақ тартылды. Олар көктен шолу жүргізіп, су шашуда.