Маңғыстау облысы ТЖД баспасөз қызметі атап өткендей, атқылаған жалынның биіктігі 10 метрді қамтыды.
"Бүгін, №303 ұңғымадағы өрт туралы хабарлама алғаннан кейін "Бозашы" ЖШС "Қаратұрын Южный" кен орнына Маңғыстау облысының Төтенше жағдайлар департаментінің күштері мен құралдары толық жауынгерлік дайындыққа келтіріліп, шақырту орнына 11 сағат 30-да жіберілді. Өртті жоюға барлығы 82 қызметкер мен 17 техниканың күші мен құралдары жұмылдырылды. Маңғыстау облысы ТЖД-дан 56 қызметкер және 12 бірлік техника (АГВТ-150, АСО-20 КШМ, АР-2, ПНС-150, АЦ-3 бірлік техника, қосалқы 4 бірлік техника), Апатты медицина орталығы - 1 бірлік техника, 3 қызметкер, "Ақберен" ЖШС - 15 қызметкер және 3 бірлік техника, Семсер Қаражанбас МӨҚҚ - 1 бірлік техника, 6 қызметкер, Семсер Қаламқас МӨҚ - 1 бірлік техника, 5 қызметкер", делінген хабарламада.
"Қаратұрын Южный" кен орны Ақтаудан 277 шақырымда орналасқаны нақтыланады.
