Жетісу облысы полиция департаментінің баспасөз қызметінің мәліметінше, жол апаты салдарынан адамдар қатты зардап шеккен жоқ.
"Жол апаты Талдықорған қаласындағы Асанова-Дарабоз ана көшелері қиылысында орын алды. Көліктер ішіндегі адамдар ауыр жарақат алмағанын атап өтеміз. Соқтығысу кезінде тек автокөліктер ғана зардап шекті", - деп хабарлады облыстық ПД.
Талдықорған қаласы полициясының қызметкерлері аталған дерекке қатысты іс қозғады. Тиісті тексерулер амалдары жүргізілетін болады.
Бұған дейін Талдықорған маңында екі көлік бетпе-бет соқтығысып, салдарынан екі адам қаза тапқаны хабарланған болатын.
