Әлеуметтік желіде өртеніп жатқан автобустың видеосы тарады.
Instagram-дағы go_semey_ парақшасы оқырмандарының жолаушылар көліктен шығып үлгергенін жазды.
"Бәрі аман! Қашып үлгерді. Өрт сөндірушілер тез жетті, жарайсыңдар".
Семейде Шұғаевт көшесінде автобус өртеніп жатыр деген хабарлама "101" пультіне сағат 8:50-де түскен.
"Құтқару бөлімшелері келгеннен кейін 2013 жылғы ПАЗ автокөлігі жүріп бара жатқанда қозғалтқыш бөлігінің бөлшектері, аспаптар панелі, салонның ішкі қаптамасы, отырғыштары мен кузовы жанып жатқаны анықталды. Өрт аумағы 20 шаршы метр болды. Өрт тезарада сөндірілді". Абай облысы төтенше жағдайлар департаментінің баспасөз қызметі
Өрттің алдын ала себебі – қауіптілігі жоғары агрегатқа салғырт қарау.
Облыстық төтенше жағдайлар департаментінің баспасөз қызметі өрттен қаза болғандар мен зардап шеккендер болмағанын айтты.
