Облыстық прокуратураның мәліметінше, әкімдер ауыл аймақтарда сүт және ет өнімдерін өндіру бойынша көрсеткіштерді "жақсарту" мақсатында статистикалық есептерге қасақана шаруа қожалықтарындағы мал бастарын қосып жазған.
"Нәтижесінде бұрмаланған есептерді аудан әкімдері жайылымдық жерлерді басқару Жобасын түзу және бекіту барысында қолданған. Қазіргі таңда аталған статистика прокурорлардың ықпалымен ретке келтіріліп, облыс бойынша нақты қажеттілік 3 есеге, яғни 2,1 млн. га-дан 652 мың га дейін төмендеген.".Түркістан облысы прокуратурасының баспасөз қызметі
Одан бөлек, прокурорлық актілердің негізінде қала, аудан әкімдіктерімен бұрын бекітілген осыған ұқсас жобаларды қайта қарау жұмыстары қолға алынған.
Осы тектес кемшіліктерді алдын алу мақсатында Түркістан облысының прокуратурасы Стратегиялық жоспарлау және реформалар агенттігіне, Ауылшаруашылығы министрлігіне және Цифрлық даму, инновациялар және аэроғарыш өнеркәсібі министрлігіне мал шаруашылығы саласындағы бағдарламаларды интеграциялау бойынша бірқатар ұсыныстар жолдады.
19 сәуір күні Павлодар облысында әкімдік ауылдың жайылымдық жерін кәсіпкерге заңсыз бергені мәлім болды.