Волонтерлар қоғамдық қозғалыстың Instagram-дағы ресми парақшасында 23 маусымда үйінен шығып кетіп, қайта кері оралмаған төрт жасар баланы іздеу туралы хабарламаны жариялады.
Баланы іздеуге тартылғандардың жазбасында айтылғандай, 2019 жылы туған бала сағат 15:00 мен 16:00 аралығында үйден шығып кеткен. Балақай "Алаш" базары маңында жоғалған.
Бала кеудесінде ақ жазуы бар қызыл-көк жейде және ақ жолақты көк шорты киген. Шашы мен көзі - қара, шашы жұқартылған, дене бітімі - арық.
Волонтерлар қала тұрғындарын баланы іздеуге ат салысуға шақырады. Соңғы рет баланы әлдекімдер бұған дейін үйінен қашып көрген жасөспіріммен бірге көрген.
