Алматы полиция департаментінің баспасөз қызметінің хабарлауынша, Күдебаев 7 маусымда үкімді қайта қарауға қарсы шағым түсірген.
2023 жылдың 3 сәуірінде Алматы облыстық полиция департаментінің бұрынғы басшысы сотқа келмей, оған халықаралық іздеу жарияланған еді.
ҰҚК шекара қызметі Серік Күдебаевтың ресми түрде шекарадан өтпегенін мәлімдеді. 12 сәуір күні Бас прокуратура Алматы облысы жол полициясының экс-басшысына қатысты мемлекеттік шекараны заңсыз кесіп өту фактісі бойынша қылмыстық іс қозғады.
27 сәуірде Қазақстанның бас прокуроры Берік Асылов Серік Күдебаевтың Түркияда ұсталғанын хабарлады.
28 сәуір күні Талдықорған қалалық сотының судьясы Әбділла Үмбетай оған 10 жылға бас бостандығынан айыру жазасын орташа режимдегі колонияда өтеу туралы үкім шығарды.
Сонымен қатар сот үкімі қаңтар оқиғасына ғана шығарылғаны, оның қашып кеткені бөлек қаралатыны хабарланды.
