"Атырау-Жарық" компаниясының мәліметінше, қаланың екі бөлігінде апатты жағдайда токтан автоматты ажырау фактісі орын алған.
Қазіргі уақытта Атырауда Дамба ауылынан, Орталық ықшам ауданнан Талғайыр ауылына дейінгі қаланың сол жағалау бөлігі толығымен және Алмалы ауылынан Жұмыскер ауылына дейінгі қаланың оң жағалау бөлігі ішінара жарықсыз қалған.
Кейбір бейресми деректерде өңірдегі ірі кәсіпорындардың бірінде апат болғаны, бұл жағдайдың соған қатысы барлығы айтылады. Алайда бұл ресми түрде расталмаған ақпарат. Аталған жайтқа байланысты Zakon.kz өңірдегі әрі жоғарыдағы құзырлы ведомстволарға сауал жолдады.
