4 шілде күні Атырау облысы полиция департаментінің мәлімдеуінше, 3 шілде күні сағат 20:05 шамасында Атыраудағы Жайық өзенінде серуендеуге арналған екі катер соқтығысты. Бір катерде 10 адам, екіншісінде 25 адам болған.
"Түрлі дене жарақатын алған тоғыз адам ауруханаға жеткізілді. Қазіргі уақытта ҚР Қылмыстық кодексінің 344-бабының 1-бөлігі ("Темiржол, әуе, теңіз немесе өзен көлiгi жүрісі немесе оларды пайдалану қауiпсiздiгi қағидаларын бұзу") бойынша сотқа дейінгі тергеу амалдары жүргізіліп жатыр".Атырау облысы ПД баспасөз қызметі
Зардап шеккендердің жағдайы туралы толық мәлімет әзірге жарияланған жоқ.