Өңірлік ТЖД баспасөз қызметінің хабарлауынша, өрт сөндірушілер 7 күн бойы отпен арпалысты. Күннің аптап ыстығы, аумақтың сулы, батпақты болуы, сондай-ақ қамыстың тығыз қалың өсуі өрт сөндірушілердің өртті тез арада сөндіруіне кедергі туғызғаны да нақтыланады.
"Өрт сөндіру автотехникасы жол болмауына байланысты өртті сөндіру жаяу түрде өрт сөндіргіштер мен арнайы құрылғыны қолдану арқылы және ТЖМ авиациясы көмегімен жүзеге асырылды", делінген хабарламада.
Бұған дейін "Семей Орманы" табиғи резерватындағы өрт толығымен жойылғаны хабарланған болатын. Қызыл жалын 60 мың гектарды жойғаны белгілі болды.
