Облыстық полиция департаментінің мәліметінше, оқиға орнына полиция, төтенше жағдайлар бөлімінің, прокуратура, медициналық қызмет қызметкерлері барған.
"44 жастағы жергілікті тұрғын 20 метрден асатын биіктіктен секіремін деп қорқытқан. Онымен жерден аудандық полиция бөлімі бастығының бірінші орынбасары Руслан Байжанов келіссөз жүргізді". ОҚО ПД баспасөз қызметі
Ведомство өкілдерінің хабарлауынша, мұнараның төбесіне ЖПҚ бөлімшесінің бастығы Александр Лизун шыққан.
"Ауыл тұрғынының эмоционалдық жағдайын ескере отырып, оны секіруге итермелемеу басты міндет болды. Мен онымен ұзақ уақыт сөйлестім, оны тыныштандыруға тырыстым. Сәті түскен кезде қолынан ұстап, төмен түсуге көндірдім", – дейді ол.
Сурет: polisia.kz
Александр Лизунның айтуынша, оларды баспалдақта полиция бастығының орынбасары Николай Попов күтіп алып, түсу кезінде ол ер адамды сақтандырған.
"Тәртіп сақшылары мен дәрігерлер сауатты бірлескен іс-әрекеттің арқасында қайғылы жағдайдың алдын алды". СҚО ПД баспасөз қызметі
Облыстық полицейлер қазір ер адаммен психолог жұмыс істеп жатқанын атап өтті.
