Өңірлік полиция департаментінің мәліметінше, 1 тамыз шамамен сағат 11:00-де Самара – Шымкент автожолының 765 шақырымында Mercedes жүк көлігі мен ВМW автокөлігі соқтығысты.
"Салдарынан BMW автокөлігінің жүргізушісі мен екі жолаушы оқиға орнында қаза тауып, бір жолаушысы Ақтөбе қаласындағы ауруханаға жеткізілді", – делінген хабарламада.
Ведомство апаттың себебі мен мән-жайы анықталып жатқанын мәлімдеді. Әзірге жәбірленушінің жағдайы туралы ақпарат жоқ. Жүк көлігінің жүргізушісі, алдын ала мәлімет бойынша, ауыр жарақат алмаған.
