Министрдің бірінші орынбасары білім беру ұйымдарындағы қауіпсіздікті тексеру барысында мектептердің жартысынан көбінде заң бұзушылықтар анықталғанын айтты.
"Білім беру нысандарындағы қауіпсіздікке қатысты ішкі істер органдары 5 620 мекеменің күзет жүйесін жоспарлы түрде тексерді. Қорытынды бойынша 2 900 нысанда заң бұзушылықтар анықталды".Марат Қожаев
Оның айтуынша, заңбұзушылықтар негізінен бейнебақылау стандарттарын сақтамау, дабыл батырмасының болмауы, турникет немесе лицензияланған күзеттің болмауына байланысты.
"24 басшы жауапкершілікке тартылып, 5,4 миллион теңге айыппұл салынды. Қалғандарында берілген тапсырма аясында кемшіліктер түзетіліп жатыр".Марат Қожаев
2023 жылдың көктемінде Оқу-ағарту министрлігі елімізде мектептердегі қауіпсіздік ережелері өзгеретінін хабарлады.