Түркістан облысы ПД полиция қызметкерлері “Құқықтық тәртіп” жедел-профилактикалық іс-шарасы аясында Түркістан облысы аумағында мал ұрлаған адамдар тобының қылмысын тоқтатты. Криминалдық полиция басқармасының қызметкерлері мал ұрлығын ашуға, күдіктілерді ұстауға бағытталған арнайы шараларды жасады. Жедел уәкілдер қабылданған шаралардың нәтижесінде ірі қара малды ұрлаумен айналысқан Қазығұрт ауданының екі тұрғынынан тұратын адамдар тобын ұстады.
Мал ұрылары қылмыстық жолмен тапқан пайдасын өзара бөліскен. Полицейлер күдіктілердің Қазығұрт ауданында жасалған мал ұрлығының 8 фактісіне қатысы барын дәлелдеді. Заттай дәлелдемелер ретінде ГАЗель автокөлігі мен 3 бас мал тәркіленді.
"Күдіктілер уақытша ұстау изоляторына қамалды. Қазір оларға қатысты ҚР ҚК-нің 188-1-бабы (Мал ұрлығы) бойынша сотқа дейінгі тергеу амалы жүргізіліп, ұсталған адамдардың Түркістан облысының аумағында жасалған басқа да осындай қылмысқа қатысы бар-жоғы анықталып жатыр", - делінген Polisia.kz хабарламаcында.
