Ата-анасының айтуынша, электр ет тартқышпен жұмыс істеген кезде бала қасында болған. Дәрігерлер баланың қолын ет тартқыштан шығарып ала алмаған: құтқарушылардың көмегі қажет болды.
"Төтенше жағдай қызметкерлері авариялық-құтқару құралының көмегімен ет тартқыштың корпусын мұқият кесіп, қолын босатты, бұл сәтте баланы наркоз арқылы ұйықтатып қойған".Шымкент қаласы ТЖД баспасөз қызметі
Шымкентте құтқарушылар дәрігерлерге баланың қолын электр тартқыштан босатуға көмектесті.
Сурет: Шымкент қаласы ТЖД баспасөз қызметі
Қазіргі уақытта бала №1 қалалық балалар клиникалық
ауруханасында реанимация бөлімінде жатыр.
"Құрметті ата-аналар! Балаларға мұқият әрі сақ болыңыз! Балаларды бір секундқа да назардан тыс қалдырмаңыз", деп өтініш білдірді құтқарушылар.